خيّم الحزن على الوسط الإعلامي والفني اللبناني صباح اليوم إثر رحيل الإعلامية يمنى شري، حيث عبّر عدد كبير من النجوم والإعلاميين عن حزنهم ونعوها بكلمات مؤثرة.
نعت إليسا الراحلة قائلة عبر حسابها الخاص على “إكس”: “يمنى شري كنتي ورح تضلّي ببالنا وبذكرياتنا كتلة حب وطاقة حلوة وإيجابية، ورح يبقى اسمك يترك على وجهنا ابتسامة كل ما نتذكرك. إن شاء الله نفسك تكون بالسما بمطرح بعيد عن الوجع اللي ما كنتي بتستاهليه أبداً”.
كما كتبت نانسي عجرم: “كتير زعلت بس قريت الخبر! الله يرحمك يمنى، ما عم صدق أنه ما بقى رح نشوف ضحكتك الحلوة ونحسّ بطاقتك الإيجابية. رح تبقي بقلوب كل محبينك… الله يرحمك ويصبر عيلتك”.
ونشرت ورد الخال صورة جمعتها بالراحلة عبر حسابها الخاص على “إنستغرام” وعلّقت: “يمنى يا يمنى… كنت مفكرة أنو قد مني مزعوجة ما بقى في شي يزعجني أو يصدمني… كيف هيك؟ كم مرة قلتي بدك ترجعي ونلتقي ونضحك عالأشياء سوا؟ غيابك الصادم كرزة مرة كتير يا يمنى… سلّمي عاللي راحوا ونامي بسلام بلا كل الوجع”.
أما ماغي بو غصن، فكتبت: “كتير بيزعّل الخبر… يمنى يعني الضحكة والحلاوة والروح الحلوة والإعلام الممتع اللي عمره سنين من الخبرة والمهنية العالية. الله يرحمك ويصبر قلب أهلك يا رب. روحك بالسما”.
بدورها، عبّرت سيرين عبد النور عن صدمتها: “يمنى الله معك يا أجمل قلب ونفسية… كتير صادم ومحزن خبر وفاتك، بس أكيد أنتي بمكان مليان سلام. الله يرحمك”.
وكتبت داليدا خليل عبر خاصية “الستوري” على “إنستغرام”: “خبر حزين، الله يرحمها ويصبر أهلها”.
وعلّق زياد برجي: “يا حبيبة قلبي يا يمنى، الله يرحم ترابك وتكون نفسك بالسما. بعزّي العيلة الكريمة وبتمنالهم الصبر”.
ونعى نيشان عبر حسابه الخاص على “إنستغرام”: “خبر مفجع! أكاد لا أصدّقه! رحَلَت يمنى شري! الصديقة والرفيقة والإعلامية التي أشرقت في المستقبل والقلوب. رحَلَت “القمر عالباب”. قلبي حزين جداً… ارحمها يا الله، الصبر لأسرتها”.
يجب عليك تسجيل الدخول لكتابة تعليق.