وجّه الممثل مكسيم خليل رسالة جديدة إلى الشعب السوري، بمناسبة مرور شهر على تحرير وطنه سوريا، وكتب عبر حسابه الخاص على “إكس”: “بعد مرور شهر على تحرير سوريا والفرحة يلي مارح تخلص لسنين.. ضروري نتذكر انه فرحة كتير ناس وراها تعب وتفقير.. خلونا نساعد أهلنا ونكون جنبهم على كل الاصعدة.. إعانات غذائية أو مالية أو خدمية.. كل سوري على الارض السورية هو واحد من هالعيلة الكبيرة”.
وأضاف: “ضروري نتذكر انه هالفرحة مغطية مآسي كتير وفي ناس ناطرة تعرف حقيقة غياب قسري لأحبابها.. ناطرة العدالة.. عدالة القانون مو الانتقام.. وما عندي شك بأنه وعي الناس قادر يستوعب هي المرحلة يلي بدها صبر.. حكمة.. حب.. تسامح.. ومصداقية”.
وطالب مكسيم بمحاكمة جميع الأشخاص الذين تسببوا بمأساة الشعب السوري ومحاسبتهم، مؤكداً أن “العدالة الأهم لكل السوريين.. هي محاكمة عادلة لبشار الأسد وكل رموز هاد النظام الأمنية والعسكرية يلي ساهمت بشكل مباشر بمأساة هاد الشعب. ومحاسبة كل رموز الفساد الاقتصادي والسياسي يلي مولوا ودعموا وكانو جزء من مؤامرة النظام علينا نحنا السوريين أصحاب الحق.. أصحاب الأرض وبرجع بأكد على عدالة القانون.. جزء من هذه العدالة هو استرداد الأموال والآثار المنهوبة من كل المتورطين لانه هي حق سوريا وشعبها.. المطالبة فيها هو واجب علينا كلنا.. واجب على كل سوري شريف.. بخاف على مستقبل بلده لأنه هي الأموال.. ساهمت بدمار البلد ولازم ترجع لتساهم بعمار البلد”.
وأرفق المنشور بقسم جاء فيه: “نقسم بالله العظيم نحن السوريين مسلمين ومسيحيين كرد، أرمن، وأي مكوّن نكون، سنة، شيعة، دروز، علويين، أن نحترم حرية الآخر ونصون كرامة الآخر ونحفظ حقوق الآخر وأن ندفن الطائفية ونبقى موحدين إلى أبد الآبدين لأجل سوريا عظيمة لا تتبع لأي بلد ولا تكنّى بأي أحد”.
https://x.com/MaximKhalil/status/1876955302744006855
