وجّه الفنان تامر حسني رسالة عتاب إلى الفنان عمرو دياب، على خلفية تداول صورة عبر خاصية “الستوري” على “إنستغرام” تظهر ترتيب ألبوماتهم على أحد مواقع “الترند”، وجاء فيها أن ألبوم تامر يحتل المركز الرابع.
وكتب حسني: “مش غريبة شوية لما الفنان الكبير اللي بحبه وبقدّره، ينزل صورتي عنده في الستوري بكذا طريقة إن أنا رقم 4؟ وهو عارف إن ألبومي مش 4، بدليل ترتيب تريند اليوتيوب اللي ألبومي كله احتله، وكنت رقم 1 من أول يوم في الأسبوع الأول من نزوله”.
وأضاف: “وبرضو ناس جمعتلي النتائج دي، بس منزلتهاش. عموماً، هو ترتيب وبيتغير كل شوية، لينا ولزملائنا المطربين لما بينجحوا… الفكرة إن ألبوم لينا معاد أنا تعبت فيه، والناس بتتكلم عنه بكل خير، وده الأهم، فمش محتاج أعمل كده. أنا لما كنت تقريبا ١٠ أيام رقم ١ في أسبوع نزول ألبوم لينا معاد، زي ما انتوا شايفين أهوه في الفيديو، اللي اضطريت أنزله، أغانيا في التريند أعلى وهو كان تحت… احتراماً ليه ولمحبينه، منزلتش صورته وهي تحت، ولا نزلت أي خبر يقول إن ألبومي متصدر عليه”.
وتابع: “كنت بحتفل مع جمهوري من دون المساس بصورة أو اسم أي فنان، احتراماً لمجهوده… بس مش عارف ليه هو يعمل كده، لأنه أكبر من كده ومش محتاج يعمل كده! وعموماً، ألف مبروك”.
يُذكر أن تامر حسني طرح مؤخراً ألبوم “لينا معاد”، بينما طرح عمرو دياب ألبوم “ابتدينا”، ويتنافس الألبومان بقوة على مواقع الاستماع ومؤشرات الترند.
يجب عليك تسجيل الدخول لكتابة تعليق.