أذكرونا بالخير

سياسة 16 أيار , 2021 - 12:04 ص

مجموعة لبنان الكبير على واتساب

- الله يبسطك يا دوري. خلينا ننبسط معك وقلنا شو اللي عم يضحكك هلقد.

• يا أم الحن سمعت انو المكتب الإعلامي لرئاسة الجمهورية نفى خبراً عن ضغط العماد ميشال عون على رئيس مجلس شورى الدولة القاضي فادي الياس، لإصدار قرار بوقف تنفيذ قرار المدعي العام التمييزي القاضي غسان عويدات المتعلق بإعادة توزيع الأعمال في النيابة العامة الاستئنافية في جبل لبنان...

- هههههههههههههه

• شو القصة مبين فرطتي بالضحك فورا.ً

- والله مش معقول. وصلنا لزمن صارت رئاسة الجمهورية شغلتها وعملتها تنفي الأخبار. هزلت هزلت.

• المبكي المضحك إنو الرئاسة المصونة عم تنفي شي كل اللبنانيين المعترين بيعرفوه منيح وشايفينه بالممارسة كل يوم. رئيس اعتقل التشكيلات القضائية كرمال قريبته القاضية الفاضية للاستعراضات المسرحية الـ"لايف" غادة عون التي ما كان ممكن تعمل شي لولا غطاء "قصر المهاجرين- بعبدا".

- مش كأنه "قصر المهاجرين- بعبدا" صاير شي تاني...

• يلعن رأسك يا أم الحن ما تكوني قصدك الدعاية تبع: أذكرونا بالخير...

وضحك الدوري وأم الحن كطفلين معاً.

شارك الخبر

مواضيع ذات صلة:

Contact Us